前布政司鍾逸傑自從愛妻病逝之後，就搬進港島一間多層華廈居住，剩低一個人，佢重有啲唔習慣，佢同八方講，遲吓會去澳洲同個女住一頭半個月，順便探吓啲孫。
鍾叔雖然已一把年紀，但仍然對香港事務十分關心，7.1咁多人上街當然未見過，佢重笑話今次係資產階級搞革命，香港人應該好好利用今次機會，組成一個符合市民訴求嘅政黨。
其實八方聽聞鍾叔係其中一個鼓吹香港要推行高官問責制嘅重量級人馬，不過𠵱家佢都認為問題多多，例如太少外來人，以及問責官員孤掌難鳴，但係再加一層好似英國嘅副部長同助理部長又唔易被公僕接受，總之一時間，都唔知要點先至救到老董。
（圖）鍾逸傑遲吓會去澳洲探個女同啲孫。
傳真︰2623-9278
電郵︰