蘇永康昨日公開交代離婚一事，多次表示自己不是好老公，但強調沒有使女人錢。康仔表示在新加坡的珍珠奶茶和汽車生意，全部都是他出錢，更蝕了近千萬元。
蘇永康和太太馮麗清（Jane）結束四年婚姻，前晚康仔在新加坡的演唱會上，除了唱《男人不該讓女人流淚》外，亦高唱《好心分手》，更在台上高舉紙牌叫觀眾記得買唱片，十分硬銷。康仔昨日甫返港，即往尖沙嘴金牌經理人公司開記者會，交代離婚一事。
對於太太表示嫁錯郎，康仔說：「可能我唔係佢想像中嘅人，我承認我係失敗，我唔係一個好老公，可能舊年發生咗嗰件事（勒戒事件），我做唔到佢嘅要求，我哋曾經努力挽救，但都失敗。分開之後，我衷心希望佢搵到個啱佢心意嘅男人。」
有指阿Jane與蘇永康結婚四年間用掉二千萬元積蓄，康仔否認曾使女方錢，他說：「佢係有財政問題，佢冇賭錢嘅嗜好，原因你哋最好問番佢。但喺新加坡投資珍珠奶茶同汽車生意，呢啲錢全部都係我畀，我蝕咗唔少錢，係七位數尾。」
有傳離婚原因之一是康仔帶女仔返家開派對，康仔說：「開P係有，但喺我同太太出現問題之後，去嘅都係我朋友，單身嘅只得阿梅（梅艷芳）同Marianne（阿梅助手）。結婚以嚟，我哋兩個都冇第三者，因為太太未能融入香港生活，所以我先至會投資生意畀佢做。上年年尾傳媒影到我去夜街，因為佢已經唔喺我身邊。」
有報道指康仔因為離婚而影響形象，與金牌經理人公司尚未傾妥續約，他即自爆正東唱片因為未能履行合約，這個星期要向他作出金錢賠償，他亦已提出終止合約。至於和金牌續約一事，康仔說：「其實有幾間公司搵我，但因為我同Paco（黃柏高）嘅關係，我會跟住佢。」
採訪：何永寧、胡比 攝影：甄朝健、李志明
