隨着新一代福士「甲蟲」（NewBeetle）嘅推出，加上未能趕及時代步伐，舊款「甲蟲」（Beetle）終面臨停產嘅命運，廠方更於日前特別為其舉行告別儀式，讓呢款陪伴咗車迷六十多年嘅車款，向大家揮手說聲再見。
自1938年正式推出以來，舊款「甲蟲」曾在多個國家及地區生產，並遠銷世界各地，受歡迎程度與同屬長青車款之一嘅Mini不相伯仲；而響1981年，第20,000,000部舊款「甲蟲」離開福士位於墨西哥嘅廠房，其後廠方於1998年推出新一代「甲蟲」，而墨西哥Puebla廠房，更成為最後一部舊款「甲蟲」嘅誕生地㖭！
響墨西哥時間7月30日上午9時05分，隨着最後一部以AquariusBlue車身顏色示人嘅舊款「甲蟲」UltimaEdicion特別版，正式離開生產線後，舊款「甲蟲」嘅生產終於畫上句號，廠方為隆重其事，特別為呢部第21,529,464新車裝上特別嘅車牌，並為其「戴上」花環，慶賀舊款「甲蟲」終完成歷史使命。
當日，廠方多位高層人員到墨西哥Puebla廠房，與一眾工人慶祝最後一部舊款「甲蟲」出廠，而此車更會送往福士位於德國漢諾威以東嘅Wolfsburg大本營內的博物館收藏，以作紀念。