梁詠琪（GiGi）、李克勤及車婉婉前晚齊為商台騷表演。穿上超短褲玩制服誘惑的GiGi，一聽大會安排婉婉為眾人算命誰最早婚，即質疑此舉不可信，其後又指大會刻意安排婉婉算出她是最早婚的人。
梁詠琪、李克勤、梁漢文及車婉婉前晚到九龍灣展貿，為商台節目《雲妮夜總會》擔任表演嘉賓，而黃貫中則是特別嘉賓。眾人穿着校服亮相時，穿上一條黑色超短褲的GiGi露出雪白長腿，令克勤及梁漢文大叫：「嘩！如果以前啲女同學着成咁，我實轉校。」連阿Paul亦說：「見GiGi咁着我都想轉校，唔知佢讀邊間中學？」
而梁漢文前晚將平日只在家中戴的近視眼鏡及以往讀書時的校服着上身，是全晚造型最神似學生的一個，他說：「我身材冇變過，套校服重啱着。」
其後車婉婉為眾人以塔羅牌算命，題目是「邊個結婚先？」GiGi得悉題目即耍手表示不想玩，又質疑婉婉道：「唔知堅定流，可唔可以唔玩呀，又玩呢啲。」
結果婉婉說：「GiGi張牌係話佢生活喺開心嘅處境，充滿信心。克勤就會喺九個月之內都搏命搵錢，冇時間做其他嘢，所以結婚機會不大。梁漢文好平穩，冇乜突破，所以GiGi最有機會。」
事後GiGi勉強笑說：「我開心都可以係出唱片啫。我啲同事話佢哋一早內定咗係我呀，我未玩過塔羅牌，高興心情可以包括好多嘢，我事業順利，感情穩定，屋企亦穩定。」GiGi又謂她與男友鄭伊健現時都專注事業，不想將戀情掛在嘴邊。早前她被拍到與伊健在八號風球下去打保齡的拍拖照，對此GiGi說：「成個報道除咗係八號風球打保齡，就冇樣係真。」
此外，GiGi昨日到沙田出席聯合國兒童基金委任典禮，正式被委任為中國兒童健康大使。GiGi表示去年曾到西藏探訪，讓她感到人應知足，所以現在不會亂花錢，有指伊健愛亂花錢，GiGi說：「佢做人有分寸，有時係生活上調劑啫。」
採訪：楊潔雯 攝影：仇志德
