林嘉欣昨日出席銅鑼灣「Neway嘉欣有機營」活動，並與數十名fans大玩遊戲，場面熱鬧。林嘉欣憑電影《戀之風景》入圍競逐第六十屆威尼斯影展，她對於競逐影后表示未有信心，林嘉欣說：「我唔敢諗太多，入到圍已經好開心，我最開心係可以去威尼斯，因為未去過，聽講一出機場已經見到水，而且重有機會見到偶像SofiaCoppola，佢係電影《教父》導演哥普拉個女，名設計師MarcJacobs話過佢嘅創作靈感都係嚟自佢，所以到時自己會似一個fans多啲。」
此外，星皓老闆王海峰表示會買禮物獎勵林嘉欣，林嘉欣說：「我最想要部數碼攝錄機，因為舊嗰部拎咗返去加拿大畀爹哋，如果有部新嘅帶去威尼斯就好開心。」
採訪：馮美茵
攝影：陳慧安