鍾鎮濤（阿B）早前指當年為滿足前妻章小蕙才舉行豪華婚禮，並透露前妻曾對他說：「我重未玩珠寶。」
章小蕙昨在時裝店說：「真係欷歔，原來除咗結婚有紀念日，離婚都有，重要係隻揪嗰隻。話要滿足我搞豪華婚禮？其實嗰場『歡樂今宵』（指婚禮）擺六十幾圍，有五十八圍嘅人我係唔識嘅。」
章小蕙續說：「咁多年佢重提住我，唔通真係前世欠佢？不過佢都應該顧及佢女友感受。話我要玩珠寶？我得兩件啫，就係如珠同如寶（指一對仔女）。」
阿B昨在電話中說：「唔再講呀，𠵱家只期待同碧咸食飯，因為林建岳買咗張枱叫埋我去，比賽我就睇唔起，喺屋企同個仔睇啦。」
另外，章小蕙昨日凌晨時份在養和醫院出現，疑是探望富豪風水師陳伯。
採訪、攝影：娛樂突發組、梁錦雯