香港正值炎炎夏日，立法會議員張文光有個夢想：去南極。未去得成南極之前，日前佢同個女排咗成粒鐘去睇書展，買咗本有關南極企鵝嘅書。唔知張文光係咪排隊排上癮，書展排完又去大球場排隊買皇馬飛，而且兩者佢原本都有貴賓證可以直入，但張文光見市民排得咁辛苦，又點好意思打尖。
張文光同八方講，佢已經打探好路數，知道可以經阿根廷或者新西蘭入南極，不過今個暑期一定唔去得，因為今年好多超額教師未搵到工，點都要留港為佢哋爭取權益。南極夢未圓，買本南極書望梅止渴都好。唔知係咪未買夠書，張文光前晚又同老婆仔女飛咗去台灣逛書局，佢同八方講，雖然星期日就返港，但總算放了假。
傳真︰2623-9278
電郵︰