由上一代911TurboCabriolet型號停產至今，已有接近14年嘅時間，相信不少車迷都期待廠方會再度推出新一代911TurboCabriolet高性能開篷跑車；到今日，大家終於等到喇！因為廠方於最近表示，會重新推出911TurboCabriolet高性能開篷跑車，以饗車迷咁話！
從廠方所公布嘅資料中顯示，全新911TurboCabriolet會用上一台3.6公升水平對向六汽缸Turbo偈作動力核心，動力輸出數值分別係420ps/6000rpm及57.1kgm/2700-4600rpm，匹配一套6前速手波或5前速TiptronicS半自動波，難怪新車0至100公里加速度僅為4.3秒（手波版），極速更可高達305km/h（手波版）咁快啦！然而，新車造型亦與原有911Turbo硬頂版相近，只改用上電動軟篷頂配搭，開關不但只需輕按控制鍵便可外，需時更只係要20秒內，真係你都咪話唔方便。車廂內亦有齊各項配備，如跑車桶椅、高級音響及原廠恒溫冷氣等等，可謂一應俱全㗎！