新寡盼搵工供兩女讀書

新寡盼搵工供兩女讀書

本港十大危疾之一──腦中風,日前奪去六十四歲曾先生的性命,令曾家妻女陷入一片愁雲慘霧之中,遺孀吳女士終日以淚洗臉,更為無力辦理亡夫的身後事憂心忡忡。蘋果日報慈善基金即時撥款助吳女士紓解困境。

四十七歲的吳女士淚盈於睫表示:「舊年暑假阿曾第一次中風,隻左手突然唔郁得,好彩醫咗一個星期隻左手就郁得番。上個月阿曾第二次中風,今次佢曾經昏迷好多日,清醒之後一直講唔到嘢,醫生話因為今次阿曾病情比較嚴重。醫生一直叫我要有心理準備……,早幾日阿曾終於捱唔住,佢冇等我趕到醫院已經去咗。」

臨終未能留遺言
曾先生日前病逝,遺下妻子吳女士與兩女悲痛欲絕。長女阿芬顯得難以接受喪父的殘酷事實,她幽幽地說﹕「阿爸中風之前一直好健康,趁我同妹妹未考試嗰陣重同我哋去郊外玩,一家人好開心。」
兩眼紅腫的吳女士稱:「阿曾連一句話都講唔到就去咗,真係好陰功!呢幾日我冇胃口食嘢,晚晚都瞓唔着,而且覺得心口好翳痛。」
曾先生於三十多年前隻身從內地來港謀生,早年回鄉娶妻,多年來一直從事地盤工作,是家中經濟支柱,育有兩名現年分別十六歲及十三歲女兒,暑假後將分別升讀中四和中二。
如今曾先生猝斃,吳女士三母女頓失所依,更為缺錢辦理殮葬事宜憂愁。「阿曾自幼無親無故,我就得一個哥哥同一個妹妹,佢哋都各有頭家,又賺錢唔多,喺經濟方面冇可能幫到我,所以𠵱家我真係好困難!」

基金撥款助殮葬
至於日後生計,吳女士說:「阿曾生前死慳死抵,點都籌夠錢畀兩個女返學讀書,所以我會努力搵工做,專心供養兩個女,希望佢哋長大成材。」
蘋果日報慈善基金了解吳女士的苦況後,即時從「殮葬專戶」撥款二萬元,助她支付亡夫曾先生的殮葬費,應付與一對在學女兒的短暫生活需要。
吳女士捐款編號:C1054

籲捐助殮葬專戶
為援助經濟緊絀家庭辦理殮葬事宜,蘋果日報慈善基金特設「殮葬專戶」,減輕有需要人士在殮葬費方面的負擔。請讀者繼續捐款支持。
捐款編號:C0339

暖流熱線
電話:29908688
傳真:23702192
電郵:[email protected]
網址: http://www.charity.atnext.com