吳君如十六歲開始出道，至今已超過二十年，拍過的電影超過一百部，更曾憑《洪興十三妹》奪金像影后。近年她的事業轉型，除一年接拍一部電影外，還主持每星期五晚的電台節目，以及做老闆發行電影《人妖打排球》，最近又重返電視圈任有線主持，一下子工作又忙碌起來。
對於今日的成就，君如表示尚未到巔峯，她說：「講真，我唔係好靚，身材又唔係好好，唔係特別叻，但我覺得自己好幸運，我曾經以為自己嘅事業冇咗。當年我拍《四面夏娃》蝕好多錢，好似呢個人跌到冇咗，但我慶幸我好好彩，一套《洪興十三妹》又鬼咁啱我做，跟住我轉戲路，又夾啱自己減肥，之後又好好彩有人搵我做電台，又做得鬼咁叻，講笑啫。
「如果你覺得我好似有兩個高峯期，其實以前肥妹嘅階段，我覺得已離我好遠，而我𠵱家好似再投過胎，變成另一個人，今日只係我事業啱啱開始。」
問吳君如在事業上可有未了心願，她說：「我想比𠵱家更紅！冇錯，我有知名度，行出街好多人識，但我真係好想神州大地嗰十三億人為我風魔。至於點解唔進軍荷李活？去嚟做乜？美國得二億人！」
拍攝逾百部電影的君如，坦言有多部得意之作，包括《家有囍事》和《金雞》等，但她希望能憑代表作奪取歐洲影展獎項，她說：「攞個康城影后都好，好似《金雞》入選多倫多影展，我九月幾大都撲過去，好緊要㗎，係一個好大鼓舞。」