「我贏咗千幾蚊呀！入去買多場先！」昨日在灣仔一個投注站外，周先生興奮地向女兒和妹妹宣告喜訊。他在德國班霸拜仁慕尼黑對升班馬法蘭克福的賽事中，用二百元買拜仁勝三比一及總入球四球，為他帶來一千四百多元的彩金，昨日更希望再下一城。
當警員的周先生自言是首次下海賭波，平時都沒有睇波的習慣，買波只為了娛樂一下。不諳波經的他又心水清地分析賽事：「法蘭克福話晒都升咗班，應該至少入一球。」因為賭波的關係，周先生平時亦多了留意報紙及跟朋友交流。
他又認為，馬會賭波的賠率偏低，「買主、客、和太少錢，真係贏咗嚟收錢都嘥咗的士錢。」不過他仍支持賭波，他笑盈盈地解釋不會因為贏波而加重投注，以後亦不會沉迷：「收咗錢，點都要再買番啲落去啫，但都係買番百幾蚊，唔會因為贏買多咗。」他強調，除了繼續「投注」，周先生還會用彩金跟家人吃飯慶祝。
本報記者