近期足球可謂熱門話題，之前有利物浦跟港隊踢友誼賽、德國甲組足球賽又開鑼、粒粒巨星嘅皇馬又話會來港、還有就快開波的英超聯。其中皇馬來港至為大陣仗，波衫專門店內已見到不少女仔結伴訂衫，不過波衫通常大大件唔啱女仔嬌小身形，而且同全場人撞衫又唔夠搶……，唔好講咁多，一於做手腳，DIY出GoodFit自己嘅正波衫！
記者：李玉蘭
攝影：陳陶鈞
ImageGirls：安婷、Rainbow、Shiga、May及Cookie
（RichStrategyGroupLtd.）
有碧咸、施丹、費高、魯爾、朗拿度坐鎮皇馬已經熱到將香港反轉，所以皇馬球衣是唔少人嘅心水之選！
意大利波其中一個最大吸引力是球員近乎個個靚仔，如果5個蘋果滿分，佢可以攞足6個！好似國米13號後衞簡拿華路就是超超靚仔喇！
利物浦紅色球衣早已成行成市，但是隨着香港賽事完結，熱度稍稍下調，如果你是英超聯或奧雲仔Fans，佢哋嘅波衫都值得擁有！
華倫西亞雖然未太紅，但勝在比市面熟口熟面的紅白黑藍顏色Sharp星衣搶鏡！
巴西可以話係傳統球迷的心頭好，因為比利、朗拿度、李華度等都是絕世好波之人。巴西國家隊球衣鮮豔，着上身成個人都醒晒！
購買波衫小貼士
1.球隊波衫分主場、作客、練習三大系列，以主場波衫成最熱門貨色！
2.要自製波衫，可以揀前季款式，售價比現季平三、四成。
3.以世界賽事計，10號仔最熱門，如比利、馬勒當拿、李華度都是10號；英超聯7號就出過簡東拿、碧咸等猛人；近日當然以萬人迷碧咸23號最熱！
4.女士們可買童裝，因為會較貼身，較合嬌小身形。
店舖：SFALO
地址：旺角通菜街8號地下
電話：23900004（找阿標）
網址：