八方噚日見到天文台台長林超英，佢一見到八方就即刻話千祈千祈唔好盡信天文台，做乜台長倒自己米？林超英就大歎，每次打風都俾人鬧，但天文台自己都唔會完全相信預測，原因係氣象嘅嘢，就算佢哋有部超級電腦幫手，都唔會百分百計算準確，一定有一啲誤差。林超英補充，又唔係叫你唔好信，但信八成就好啦。
講開天文台，佢哋都幾慘，個個都想最快知道個風點打，就連運輸署都向天文台提出咁嘅要求，例如由𠵱家落波前兩個小時先作預報改為三個小時，愈早通報梗係最好，但早啲報又要保證唔會係錯報就有難度。
傳真︰2623-9278
電郵︰