皇馬襲港作客對中港聯隊，無論喺大球場內一睹球星表演，又或喺電視機旁欣賞施丹、朗拿度的世界級球技，點都唔可以少咗一件皇馬波衫！皇家馬德里白色主場球衣熱賣就唔使多講，但今次皇馬嘅「亞洲之行」，全程作客，要做到一絲不苟嘅皇馬球迷，似乎要喺8月8日晚上8時兩隊開波之際，穿上皇馬黑色作客波衫，先至凸顯到自己係真正嘅皇馬Fans！
記者：何善華
攝影：陳盛臣
球衣鳴謝：SFALOLtd.
352大本營老闆劉重學表示，外隊來港獻技一定會掀起全城搶售波衫的熱潮，上星期利物浦訪港，開波前一星期已掃到接近7成嘅波衫，所以球衣市場依然好「旺盛」。下星期五皇馬嚟香港踢表演賽，劉重學表示下季皇馬主場新波衫已經「賣斷貨」，暫時尚未知道返貨嘅日期。而黑色作客球衣尚餘少量，如果想喺8月8日當晚着住皇馬球衣捧場，係時候快手速速入貨喇！