三十三歲的阿明，早前服刑期滿後決心改過自新，盼能靠一己勞力踏實生活，奈何只欠一些入職必備條件，令阿明失去不少工作機會。
「朋友介紹我見過幾份地盤工，每次見工僱主都要我出示張『平安卡』，證明我曾經修讀職業訓練局舉辦嘅地盤工作安全課程，佢哋至會請我打工。但報讀呢個課程要交一百五十蚊學費，我真係冇能力負擔。」
阿明續稱：「我以前做過好多年電器技工，攞到電工牌照。𠵱家想再做呢行，但定要交五百幾蚊續番個牌照同領取有關證明，呢筆費用我根本應付唔嚟。」
與家人關係疏離的阿明，以往因誤入歧途，被判入獄；他近月獲釋後在香港露宿救濟會轄下宿舍寄居，暫時倚靠綜援金餬口。阿明直言﹕「𠵱家生活掹掹緊，有時連去搭車見工都冇錢，所以我希望盡快搵到工，自食其力。」
香港社區組織協會的社工吳衛東指出，政府削減綜援金之餘，為更生者提供的再培訓學費的津助亦要減免。該會有見阿明正缺錢報讀再培訓課程，遂轉介他向本報求助。
蘋果日報慈善基金了解阿明的情況後，即時撥款七百三十元，助他支付報讀建造業再培訓課程和領取電工牌照的費用，得以早日入職、自力更生。
捐款編號：C1052
暖流熱線
電話：29908688
傳真：23702192
電郵：
網址：