八歲的阿蘭和十三歲的光仔，一直是鍾先生眼中的心肝寶貝，可惜鍾先生無法看着自己的骨肉長大成人便已撒手塵寰。近年身體虛弱、患有多種疾病的鍾父，日前終不敵病魔的折騰而離世，遺下孤寡三人。家人無力辦理殮葬，蘋果日報慈善基金即時撥款施予援手。
鍾先生的逝世，家人其實老早已作好心理準備，只是當事實到臨的一刻，難免傷感。「唔傷心就假嘅，話晒咁多年夫妻，不過，我老公都病咗咁耐，𠵱家對佢嚟講可能真係一個解脫。」兩眼通紅的黃女士幽幽地說。
年過半百的鍾先生，原在紗廠工作，他身體本來十分壯健，甚少患傷風感冒，直至七年前，鍾先生的母親不幸病逝，侍母至孝的他情緒大受打擊，自此病痛便接踵而來，近年他先後患上心臟病、白內障、中風、老年癡呆症等病症，須長期卧床。新寡黃女士歎道：「我老公細細個時他爸爸就走咗佬，一直同媽媽相依為命，佢兩仔乸感情好好，可能因為奶奶死咗，鬱鬱埋埋就搞到一身病痛，呢兩年情況重愈嚟愈差，成日出出入入醫院，睇見佢都陰功。」
上月中旬，鍾先生因呼吸困難入院接受治療，可惜留院不足一星期便過身，遺下妻子及一對年幼在學子女，愁對殮葬費。事實上，自鍾先生病重無法工作以後，一家便靠綜援金生活，由於經濟緊絀，鍾家向來沒有隔宿糧，鍾先生的身後事最終要由社會福利署撥款協助辦理。「好彩社署發放咗一萬零五百蚊殮葬津貼畀我，我先冇咁淒涼；不過，𠵱家我老公嘅後事都係搞咗一半，因為我唔夠錢幫佢買骨灰龕、靈位，佢嘅骨灰暫時只可以放喺義莊。」
根據社署的現行條例，殮葬津貼並不包括購買骨灰龕及墓碑、靈位等費用，黃女士必須自行負擔，惟以她現時的經濟狀況，實在有心無力。四十一歲的黃女士對記者稱：「我哋已經一切從簡，但骨灰龕、靈位加埋要另外畀四、五千蚊，我哋邊有能力吖！」
有見鍾家家境清貧，蘋果日報慈善基金日前已於「殮葬專戶」撥款五千元，資助孤寡辦理鍾先生的身後事宜。
捐款編號：C0688
暖流熱線
電話：29908688
傳真：23702192
電郵：
網址：