近來唔少退休高官開咪，八方噚日與廉政公署執行處前首長郭文緯碰面，原來都有電台請佢做客席主持，但佢已婉拒咗。不過，噚朝佢不吐不快，打電話去電台，想以市民身份發表意見，講吓近日皇馬球賽賣飛件事。
佢同八方講，好多人怪足總要市民排隊唔啱，但佢認為排隊係公平同透明度最高嘅方法，反而當日有黑社會分子打尖，警方應該處理。他重引用廉署當年查過欖球賽賣飛有酒店員工私下扣起門票，同幾年前郵政署員工扣起郵票牟取私利嘅案件，說明公開發售嘅公平性。雖然佢打通電話，可惜最後冇機會發言。
郭生退休後喺港大開班講反貪，而佢嘅寶貝女讀緊大學，有志做記者，𠵱家重喺某電視台英文台做緊暑期工。
傳真︰2623-9278
電郵︰