【本報訊】「買到啦！買到啦！好開心呀！」購得最後十張五百元球票的盧先生，手揚着剛買到手的波飛興奮得又跳又叫，他說：「我哋一共六個人，輪流排咗十八個鐘先買到呀」。他向在場採訪的記者舉起V字的勝利手勢表示：「今晚會同啲朋友去消夜，好好慶祝。」
年約二十歲，任職廚房工人的盧先生透露，他與五名朋友在前日（七月三十一日）早上九時開始排隊，大家夾定兩人一組，每組排四小時，輪流上廁所及吃飯；排了十八小時兼捱了一晚通宵的盧生，臉上並沒見半點倦容。
他又表示，昨日凌晨兩時，警察不時用「大聲公」宣布前面有二千人排隊，當時心想可能輪到自己時已無飛可買了，曾一度想放棄，但見條人龍向前郁動得好快，於是幾個朋友互相鼓勵，再堅持排隊，結果皇天不負有心人，得償所願。