劉德華行超市！

要睇名人蠟像唔一定要上山頂，由今日開始只要去崇光百貨超市，便可以見到劉德華蠟像，喺超市都可以見到華仔，重可以近距離接觸，感覺究竟如何？一於問問場內Fans，睇睇佢哋有乜意見。

記者：區佩嫦
攝影：林栢鈞

好開心
Venus（學生）：「我好鍾意劉德華，佢啲電影同歌我都好鍾意，覺得佢好靚仔，今次有得同佢影相，好開心呀，買$100嘢都抵啦！」

好帥呀
陳小姐（台灣遊客）：「劉德華好帥，他唱歌很好聽，我未曾見過他真人，個蠟像做得好真，相信華仔真人會比蠟像更帥。」

好似拍戲
李小姐（左）、Ewin（右）學生：「我第一眼以為劉德華落嚟拍戲呀，望真啲先知係蠟像，見到佢好驚訝！差少少想大叫，我本身好鍾意華仔，覺得佢好Pro，做事好認真！今次雖然只係見到佢嘅蠟像，但都好開心。」

驚驚哋
（左起）葦津（10歲）、勵婷（9歲）、善兒（9歲）、秉熙（10歲）：「見到佢有啲驚，個蠟像成個真人咁，係咪可以摸吓佢，好開心呀！不過佢個樣好似好惡咁，佢真人係咪咁惡？」