經常主演另類電影的尊尼狄普（JohnnyDepp），首齣動作驚嚇冒險式巨製《魔盜王──決戰鬼盜船》，在美國票房成績不俗，不過他接拍這套電影，原來只想逗女兒開心，更要不斷聽TheRollingStones的勁歌來投入海盜角色。
尊尼在片中飾演一位神秘的海盜王Jack，聯同《魔戒》系列靚仔奧蘭多布魯（OrlandoBloom）飾演的Will，對抗一群不死的骷髏妖怪海盜，並拯救由靚女姬拉麗莉（KeiraKnightley）飾演的Elizabeth。尊尼早前接受訪問時說：「相比起我之前嘅電影，呢套會令我個囡囡睇得好開心，所以我決定接拍！」
尊尼續道：「其實Jack係一個Rock'nRollStar！喺我心目中最有型嘅搖滾巨星，就係TheRollingStones嘅結他手KeithRichards，喺拍戲嗰陣我會狂聽TheRollingStones嘅名曲，令我扮海盜更有mood！」
《魔》片不乏海上激戰場面，連最重要的神秘鬼盜船「黑珍珠」在內，共有三艘大型戰船，包括英軍極速艦Interceptor和擁有一百支火炮的著名英國戰船H.M.S.Dauntless等。
這些艦隻全由製作隊人手重建，其中H.M.S.Dauntless實物有一百七十呎長，三十四呎闊，用了四萬磅鋼鐵和一千平方呎的帆布製造，總共動員一百五十人花上四個月晝夜不停趕工才完成。
而烏龍的尊尼狄普，居然以為這些船都是固定布景，更玩弄船上的駕駛盤，當導演大喝着船正朝他這個方向駛來時，尊尼狄普才知道自己正在操控着船航行呢！