許志安： 我唔知康仔離婚，兩個人嘅感情事，局外人唔多清楚，所以我唔方便講咁多，最好留番畀佢自己講啦！下個月我同康仔一齊做演唱會，我相信呢件事唔會影響康仔工作情緒，啲人話康仔用呢件事嚟宣傳演唱會，我覺得佢唔會咁做，因為多傳媒嚟訪問佢，唔代表多人買飛嘅。
何超儀： 除非係康仔親口同我講，咁我先會信，雖然報道話佢老婆指自己嫁錯人，佢係咪好老公我就唔知，但康仔對我就似哥哥對妹咁，永遠對朋友都好照顧同細心，所以聽到佢離婚都幾愕然。
盧巧音： 我都唔知康仔同老婆離婚嘅事，呢啲係兩個人嘅感情事，所以做朋友嘅亦唔應該過問，加上我係後輩，不過近期同佢通電話，又唔覺佢唔開心。我諗佢兩個都係成年人，應該識處理。其實我同佢太太都幾熟，阿Jane幾錫我，以前亦經常有送貴重嘢畀我，不過我同阿Jane未熟到可以打去問佢離婚嘅事。