新一期《開放》雜誌列咗一張「董建華身邊的港共名單」，曾蔭權、梁愛詩同梁錦松三位現任前任司長之中，只有曾蔭權冇份。
名單上其餘嘅人包括幾位行政會議成員梁振英、曾鈺成、鄭耀棠，前行會成員譚耀宗同曾鈺成細佬曾德成，當然唔少得阿董老友葉國華、邵善波。
特別嘅係，文章除咗講邊啲係地下黨，末段重講埋咪以為親中親共就一定有入黨，例如葉劉淑儀、霍英東、曾憲梓、黃宜弘都唔係黨員。文章話以老霍嘅地位，唔入黨作用更大，曾憲梓則被指水平太低，至於「中指黃」，就俾知情人士話太放肆，真正嘅黨員唔會咁。
傳真︰2623-9278
電郵︰