特首董建華施政報告入面嘅方針，真係做得出嘅，一隻手都數得晒。香港政策透視主席邵家臻喺牛棚書展發起「齊來摺政府」活動，用施政報告、23條諮詢文件玩摺紙，除咗代表叫政府「摺埋」，重寓意政府嘅政策文件成日都唔實行，用嚟摺紙、墊枱重有用。
邵家臻攞住一個用《施政報告》摺嘅骰仔話，「政府嘅施政就有如賭博，好似沙士咁就用我哋條命去賭，不過輸咗就係我哋賠本。」為咗搞呢個活動，班成員重特登去咗各區民政處一袋袋咁攞走啲宣傳23條立法嘅單張，啲職員重可能以為佢哋係愛國分子呢。
（圖）邵家臻發起「齊來摺政府」活動，用施政報告、23條諮詢文件玩摺紙。
張志華攝
傳真︰2623-9278
電郵︰