鄭裕玲嘟嘟噚日喺將軍澳電視城錄影《不一樣的對話》，訪問立法會主席范徐麗泰，大讚范太「好nice又有sense」。
嘟嘟話最想問范太兩個問題，一係主持立法會開會時會唔會瞌眼瞓，二係立法會張櫈舒唔舒服；范太好搞笑咁話，一年都有兩次瞌眼瞓，「一次係施政報告，一次係財政報告，因為呢兩次都係一個人講嘢，好悶。」
范太話立法會張櫈係唔舒服嘅，如果太舒服就會好易瞓着喎。佢又自認怕老公，𠵱家休會會陪老公去旅行打高球。
至於開會時有好多議員都瞌眼瞓，范太就話：「係呀，唔係咁好，𠵱家休息，再開會時我會提出。」
（圖）鄭裕玲（左）噚日訪問立法會主席范徐麗泰，大讚對方「好nice又有sense」。
傳真︰2623-9278
電郵︰