大鄉里衝出亞洲買到窮
E-Kids紐約街頭學Hip-Hop周身郁

三人男子組合E-Kids以往出埠做騷，最遠也不過是到馬來西亞，直至早前無綫找他們到美國紐約演出，三人才有機會衝出亞洲。他們今次瘋狂購物外，更趁機向美國街頭hiphop文化偷師。

三人男子組合E-Kids的Tommy、Tim及Alan，早前隨無綫大隊到美國紐約及大西洋城，參與節目《無綫愛心傳萬里》演出。
E-Kids首次衝出亞洲，心情份外興奮，Tommy日前在電話中說：「之前最遠一次出門，就係同譚校長（譚詠麟）去馬來西亞。第一次搭長途機，感覺真係好好玩。」

到交易所敲鐘
今次有機會踏足紐約這個大城市，E-Kids自然不放過任何吸收新文化的機會，Tommy說：「我哋喺街度見啲人好hiphop咁周身郁，郁得好有型，我哋三個咪跟住學囉！今次我哋先後去過Soho、第五街同華爾街，有機會入去交易所敲鐘，真係好難得。
「不過，最深刻都係去到911嘅世貿遺址，見到工作人員重好努力咁做緊清理工作，不期然覺得好感慨、好可惜。」

「唔理啱唔啱身」
在紐約逗留三日期間，E-Kids除了觀光和演出外，更到處瘋狂購物，可惜每日購物的時間只得兩小時。Tommy、Alan和阿Tim一見心頭好，還來不及試身便畀錢買。
Tommy笑說：「好似啲衫同波鞋咁，因為趕時間，大家一見到啱就畀錢，都唔理得啱唔啱身。我哋去NBA專門店掃得最多，雖然買都買到窮，但我哋都係覺得物有所值嘅。」
採訪：戴彩煥