擁有碧咸、朗拿度及費高等球星嘅西班牙球會皇家馬德里，將會響嚟緊嘅8月8日，在本港參加一場表現賽，並會與一眾港隊球員切蹉球技，相信屆時定必有一番龍爭虎鬥；不過在此之前，皇家馬德里就多咗一個新拍檔噃！佢就係奧迪汽車喇！
早前，皇家馬德里球會主席FlorentinoPerez，同埋奧迪車廠成員管理層之一嘅Dr.MartinWinterkorn簽訂合作協議，表示響未來三季內，透過西班牙嘅奧迪代理，為球會提供多達30部奧迪汽車，給予一眾球員及球會管理層作代步工具之用，而奧迪汽車亦能在球會嘅班納貝球場內賣廣告等等，從而大收宣傳之效。而響簽約儀式上，FlorentinoPerez及Dr.MartinWinterkorn都大讚對方係一間出色嘅車廠及球會，並希望兩者呢次合作能擦出火花，並能讓皇家馬德里球會及奧迪車廠嘅名字，更能深入民心呢！