陳小春昨日出席新片開鏡拜神儀式，身為無綫歌手的他竟然接受有線娛樂新聞台訪問，不過事後他表示並不知情，還說會打電話給無綫總經理何定鈞解釋。小春表示若無綫真的要解約，他亦沒辦法。
由曾志偉監製兼主演的電影《大丈夫》，昨日在黃埔舉行開鏡拜神儀式，演員陳小春、李蘢怡（Tiffany）及近日的「人氣王」杜汶澤均有出席。
拜神儀式後，小春接受電子傳媒訪問，有線娛樂新聞台的女主持手持掛有咪牌的咪站在小春旁邊，小春亦如常接受訪問，事後問他知否剛才接受了有線的訪問？他即愕然地說：「我真係唔知，我都睇唔到，不知者不罪，我一陣打畀何定鈞，如果真係有問題，咁咪sorry囉，我喺TVB只係一個小歌手。」
但何定鈞曾說如有違規者會即時解約，小春即說：「如果真係要解約都冇辦法，呢個政策喺TVB存在咗好多年，冇人可以唱反調。」但學友表示無綫不能永久壟斷，小春說：「到我做到大歌手時先再講啦！」
而日前在書展備受書迷愛戴、fans數目力壓謝霆鋒的杜汶澤昨日甫到場，小春及曾志偉均叫他「人氣王」，志偉還說：「嗰日佢去完書展嚟試造型時，舉起隻手話：『我贏咗霆鋒！』開心到不得了。」杜汶澤亦說：「開心一定有，我點同佢比，佢身家、緋聞都多過我，我贏佢一『忽』仔啫！」
此外，Tiffany透露了一宗不快事，她說：「我瘦身後，有日去超級市場，竟然有幾個𡃁仔對住我話：『李蘢怡，好×樣衰。』當時自己個心都沉咗一沉。」
採訪、攝影：馮美茵
