港府撥款五百萬給演藝界拍十條抗炎短片，終於下周一舉行啟播禮，馬偉豪的短片《誰是香港小姐》請來陳奕迅一男配十位美女擔綱演出，不過面對如此多女星，他竟罕有地變得沉默。
陳奕迅（Eason）最近推出新唱片，但他因忙於演出電影《豪情》，所以沒太多時間宣傳唱片，不過早前Eason仍在百忙中抽空拍攝「1:99電影大行動」抗炎短片之《誰是香港小姐》，該短片是由馬偉豪執導，陳奕迅一男面對十位女星包括何韻詩、周麗淇、應采兒、趙頌茹、劉思惠、茜利妹和Cookies等演出，平時最愛「吹水」的Eason未知是否不慣單獨對着太多女性，竟然變得沉默起來。
在短片中Eason飾演一位電視台司儀，受命在港姐決賽中訪問佳麗，他除了在埋位時比較調皮外，其餘時間都十分沉靜，Eason解釋可能是因為近期工作太忙，所以才會盡量爭取休息時間。
馬偉豪則說：「今次所有參加演出者都係義工，佢哋好幫手，雖然只係拍一日時間，但大家好熱心去拍呢條片，都係想幫香港市民做番啲嘢。但因為時間急，我最初都係搵啲比較熟嘅演員幫手，後來要咁多個女仔，先至搵咗何韻詩、趙頌茹佢哋幾個未合作過嘅女星拍呢條短片。」
由於眾女藝人要扮演佳麗，所以何韻詩等均要穿旗袍出鏡，並上台接受陳奕迅提問，馬偉豪說：「班女仔真係唔話得，因為我哋都係臨時通知佢哋要着旗袍，佢哋都肯，我都好感動。」
此外，Eason新歌《十面埋伏》先後在各個電台的音樂排行榜，高踞冠軍位置，其中於商台的雷霆榜至今更達三星期冠軍，成為今年上半年成績最好的歌曲。
撰文：蔡丹
