負面新聞浪接浪　激出鬥志
Stephy勤練武追趕楊紫瓊

最近鄧麗欣（Stephy）完成電影《龍咁威2003》之拍攝工作，她在片中要親身上陣拍攝動作場面，故Stephy近日經常到健身室做運動，她亦表示會繼續鍛煉身手，為日後拍動作片鋪路，並視楊紫瓊為學習對象。

鄧麗欣自接拍電影《龍咁威2003》開始，有關她的負面新聞接二連三，首先是指她於片場扮大牌，對工作人員態度惡劣，接着又指她知道受公司力捧，所以未紅先驕，而在電影煞科宴時，Stephy受到其他演員冷落對待，有傳是因Stephy演技過於幼嫩而頻NG，連累其他人要遲收工。

不怕招成員妒忌
不過，Stephy對於一切傳言只是一笑置之，她說：「每次睇到呢啲報道，我只會覺得好好笑，因為根本就冇咁嘅事發生，相反就係個個演員都好錫我，由於我年紀最細，所以佢哋都教識我好多嘢。」
Stephy透露Cookies其他成員都有參與該片面試，問到她會否害怕招人妒忌時，她說：「唔怕，機會人人平等，可能會有其他工作適合佢哋。」

吊威吔拍戲好型
Stephy又表示希望日後可以參與更多電影拍攝，而她亦不介意親身上陣拍攝武打場面，Stephy續說：「我覺得吊威吔好型㗎，如果我嘅身手好似楊紫瓊咁勁就好啦，所以我以後都會keep住做gym，希望操fit啲，咁第時拍動作片就可以大派用場。」
採訪：李珮洳
攝影：陳慧安
化妝：Kris
形象：Patrick
髮型：Oscar（Chin.G）
場地提供：PhillipWainFitnessAndBeauty