煲呔曾前晚漏夜上京，噚日匆匆返港，八方見佢成日笑笑口，反觀廖秀冬，心情就唔多靚。
噚日中午開完會，大夥兒坐小巴返酒店，煲呔馬上埋位見記者，大家以為冬冬會企埋一齊，點知佢叫極都唔理，八方老友耳仔靈，聽到冬冬向粵港合作統籌小組組長蔡潔如嬌聲話：「我都冇嘢講。」之後冬冬冇等煲呔就走返上酒店房先。
八方老友追上去，諗住問冬冬發生乜事，搭幾點飛機走，佢都話：「我梗係唔話你聽啦！」之後八到冬冬同煲呔唔同機，遲大概一個鐘先走，點解？原來冬冬偏愛搭CA（中國國際航空），而煲呔則習慣搭KA（港龍）啫。
（圖）冬冬（左）心情唔多好，佢身後嘅煲呔及其新聞秘書Cathy就歡容得多。
傳真︰2623-9278
電郵︰