皇家馬德里於下周五在港獻技，為睹碧咸及朗拿度等一眾球星的風采，圈中人已掀撲飛熱潮。為令現場氣氛更佳，足總更邀請「左麟右李」任開場嘉賓。
擁有碧咸及朗拿度等超級巨星的皇家馬德里將於下周三來港，並於下周五在大球場獻技，全城掀起皇馬熱潮，大批圈中人千方百計撲飛。而香港足球總會為令氣氛更熱鬧，日前聯絡環球唱片，邀請譚詠麟和李克勤做開場嘉賓。
環球唱片高級副總裁朱國幀，昨日在電話中坦承足總主席康寶駒擬邀「左麟右李」為球賽做開場嘉賓，他說：「嗰日無綫會轉播節目，克勤做主持講波，咁阿倫又一定會去。前幾日康寶駒話想搵左麟右李喺開場前做啲娛樂嘅嘢，佢哋應該唔會唱歌。」
目前已成功撲飛的圈中人，包括劉德華、梅艷芳、許志安、陳冠希、梁漢文、陳百祥及曾志偉等，其中安仔已撲得四張飛，可能會與師傅阿梅入場，而阿梅更獲康寶駒預留三個位，讓她出席賽前一晚假君悅酒店舉行之公益金慈善晚宴，當晚眾球星亦會到場。據聞為防晚宴出現混亂，嚴禁嘉賓與球星握手及拍照，但成龍、阿梅及曾志偉等就必會到場。據知百事方面有意安排代言人碧咸及陳冠希於晚宴上見面，昨日陳冠希在電話中說：「呢次係朋友送飛畀我睇嘅，我都想睇吓點解啲人咁熱烈。」
此外，曾志偉昨日在黃埔出席電影《大丈夫》之開鏡禮時，表示會與錢嘉樂及李珊珊觀看皇馬明日在北京舉行的球賽。
問志偉會否帶阿梅出席宴會，他說：「唔會，係搵人帶碧咸去佢屋企，叫佢裝吓身先啦。唔知帶劉德華同碧咸去，佢會揀邊個呢？」
採訪：朱芷瑩、馮美茵
