民陣搞嘅7.1大遊行有成五十萬人，自此民陣江湖地位立刻上升。不過地位高咗，內部問題亦相對增加。
前日民陣開會選新一屆23條小組發言人，八方聽聞民陣中有人覺得𠵱家做緊發言人嘅狗哥蔡耀昌十一月可能選區議會，未必適合做發言人，但又冇合適人選頂佢個位，於是就開咗個副發言人位，由天主教正義和平委員會幹事孔令瑜做，一旦狗哥參選，就有孔令瑜頂住做發言人。
正、副發言人只有一人參選，要投信任票嘅時候，新任副發言人孔令瑜獲十六票全部信任，反而連任嘅狗哥得票竟然係七票信任、七票棄權、兩票不信任，真係奇。
傳真︰2623-9278
電郵︰