五十三歲的陳女士，因失業多月經濟陷困，正面對被催交欠租及電費困境，一家四口生計堪憂。
「我已經冇交三個月屋租，經常被包租公追數，佢話再收唔到錢就會迫我一家搬走。我又未交成千幾蚊電費，經濟真係好困難！」陳女士皺着眉向到訪記者訴說。
陳女士原任職文員，奈何近年市道不景，早前失業後一直未能覓得工作，任職地盤管工的丈夫蔡先生被僱主拖欠工資大半年，現時亦陷入失業泥沼，令家庭經濟非常緊絀。
「我已經不停去勞工處同啲志願團體登記搵工，但完全冇消息，連面試機會都冇。老公亦冇辦法搵到工，佢被舊僱主拖欠筆人工，就惟有等法庭排期聆訊去追討。𠵱家我哋可以話係山窮水盡，完全冇積蓄，又問唔到人借錢。」陳女士歎謂，親友各有家庭負擔，難以援助她度過經濟難關。
陳女士接着說，兩名子女其中原從事司機的長子早前亦相繼失業，幼女今年大學畢業，連月來仍未找到一工半職。
刻下，陳女士急需籌錢支付欠交的屋租及電費，蘋果日報慈善基金了解她的苦況後，即時撥款六千元，紓緩其經濟壓力，助她應付短暫生活急需。
捐款編號：C1051
暖流熱線
電話：29908688
傳真：23702192
電郵：
網址：