陳曉東向來是愛車之人，近日推出的國語歌《PerfectLove》也以人車之間的感情作為MV內容，日前他借了六部名車拍MV後，返家即取出其收藏的多部名車模型欣賞一番。
東東說：「冇辦法全部一次過擁有，咪儲模型過吓癮囉。我細個時曾經發夢，如果有朝一日畀我買晒所有名車，起埋個停車場放晒入去，每日都揸唔同嘅車，咁就發達。」
東東表示曾擁有過保時捷跑車，現在擁有一部法拉利跑車，他已相當心足，他說：「有時揸住架車四圍去，靜靜哋諗吓嘢，感覺好好，我好多歌嘅寫作靈感都係咁嚟。」
東東又謂他第一次駕車，是帶着弟弟駕駛父親的房車，他說：「嗰陣冇牌㗎，不過好沙膽，當正自己係車主咁，叫細佬上車跟住就行囉，後來俾老竇鬧到儍。」
採訪：蔡如玉