勞斯萊斯PhantomSupreme最後王牌

勞斯萊斯PhantomSupreme最後王牌

全新勞斯萊斯Phantom及身處中環心臟地帶嘅新Showroom，日前正式登場及開張，席間嘉賓及傳媒濟濟一堂，熱鬧之餘重好悶熱，重搞到亞Mark大汗淋漓㖭！不過，呢部簇新嘅Phantom真係聞名不如見面，氣派十足之餘，車廂陳設重好講究，聽聞我哋四眼編輯下星期重會作本港實地試車㖭！對呢部Phantom有興趣嘅車迷，就記緊留意報道喇！
當一眾傳媒包圍住部新車，以及環球銷售及市場董事霍華德先生同區域總裁（亞太區）科林凱利先生訪問嘅同時，亞Mark都唔執輸，跟勞斯萊斯香港及中國嘅總舵手JohnWong恭賀之餘，重問佢響Maybach同Bentley夾擊之下有乜大計；原來佢哋率先Launch咗部PhantomDeluxe（定價541萬）版外，想唔到亞Mark早前披露過嘅消息真係冇花假，廠方早就準備有Phantom頂級嘅Supreme型號。新車後排唔止有兩張獨立全方位電控大班椅，兼且重備有至高級嘅6碟DVD連7.1音響裝置，級數除能媲美Maybach57外，定價561萬重要比對手便宜，加上勞斯萊斯品牌作保證，就連亞Mark都替JohnWong飲得杯落喇！據知，呢部PhantomSupreme版本會率先在國內推出，遲吓年底前重有望抵港㖭！

■率先抵港嘅Phantom屬Deluxe版本，後排寬敞空間，可同時讓三名成人使用。

■駕駛艙陳設有着傳統勞斯萊斯風格，惟骨子裏卻加有不少High-tech裝備。

■至頂級嘅Supreme型號，後排兩張大班座椅，可作全方位獨立電控外，另備有6碟DVD高級影音系統，享受至高。