8月1日對足球迷絕對係一個大日子，因為今日終於可以正式合法賭波喇，各位球迷除了可以去馬會投注外，用手機都一樣得，全港七間網絡商現時已經有五間（Orange、1010、One2Free、新世界及Sunday）推出手機足球投注服務，由主客和、入球、波膽及過關都有得玩。不過想玩手機投注除了要登記，重要換張具有投注功能之SIM卡，不過現時網絡商為吸引更多用戶登記投注，都會免費換畀你。除了用手機投注，網絡商更利用其資訊優勢，兼備各種足球資訊下載服務，讓你掌握第一手足球資訊，就算唔賭波都一樣啱使。
記者：劉耀祥
