「今期六合彩開出嘅號碼係……1，2，3，4，5，6，特別號碼係7……」根據或然率，開出上述組合的機會率約為八千五百九十萬分之一，與開出任何其他組合的機會一樣，但中頭獎者不要奢望發達，因為每注派彩肯定少於一萬元。根據馬會統計，平均每期有超過一千人，下注1至7的順序號碼。 記者：蕭煒春
【本報訊】香港有個真正的賭神，他一生從不豪賭，但由字花、馬票、六合彩、三T，以至近期最熱門的賭波，他何止瓣瓣精通，根本就落手落腳開賭。馬會投注事務執行總監陳承楷鑽研博彩方式三十年，新近主理的賭波規範化卻慘被訕笑下注花款太少，他說：「唔係話打就第一日就同人（外圍）打，嗰啲叫做死力、硬碰……係需要時間，唔係爭一日長短。」
陳承楷七四年加入馬會，正值政府致力打擊外圍馬，今日非法賭波成行成市，與當年外圍馬情況相似，「參與嘅人都唔覺得自己係參與非法活動……當年報攤有本書叫《纜》，專講獨贏、賠率、三串七之類，明明係非法，但公開到可以出書。」
馬會臨危受命，採用的策略耳熟能詳：「外圍有咩，我哋都有，而且重要好過佢」。於是先辦三重彩與四重彩，然後是六合彩與孖Ｑ；外圍無處不在，馬會就租用髮型屋、西餅店、戲院賣馬票，「開檔（賣票）時重要用人手捧部機出嚟。」然後陸續開設投注站及辦電話投注，總之「要快過佢（外圍），要穩陣過佢」。
但今日打擊外圍波加倍困難，因為科技日新月異。「其實我唔係好同意話（賭波花款）唔夠吸引，要按部就班，我好有信心我哋提供嘅嘢足以同佢哋（外圍）比長短，唯一爭唔到係佢哋有得賒。」但信心何來？「我哋過去咁多年嚟嘅表現，大家都睇得到。」
總結多年來的開賭經驗，陳承楷說沒有一條人人可倚賴的必勝秘方，但有些事，要贏的話便千萬不能做，譬如買六合彩就不要貪順序，「如果有一日攪出1，2，3，4，5，6，7，好多人都以為無人買，我肯定頭獎派彩唔會超過一萬蚊。」據馬會的抽樣調查發現，平均每期六合彩都有超過一千人下注上列數字，若彩金只有五百萬元，平均每人只分得五千元，不從頭計，從尾數計起，每期下注41，42，43，44，45，46，47的，也有五百人。
所有順序數字都不能令人發達，出生日期也不是好的選擇，因為以生日日期計，最多只能選擇31個號碼，而下注1至31的人特別多，與他人分享彩金的機會相應提高。
開賭多年，陳承楷最滿意的新創賭法是三T，「近年市民要求高咗，中三、兩萬蚊好似覺得唔係好開心咁，𠵱家要中三幾千萬先開心，要搵啲嘢滿足佢哋，於是開始搞三T。」
