提到23條，余若薇成日被稱為「女悍將」，其實只係俾政府迫上梁山，真正個性其實好「淑女」。
做咗今期《茶杯》封面嘅余若薇，就喺訪問中大談扮靚之道，佢話鍾意披長頸巾、闊披肩，原來係因為佢覺得自已身形「過份纖長」，頸項又過瘦，要靠披肩遮掩，佢咁講真係恨死隔籬。
身形纖瘦、英文名Audrey又同《窈窕淑女》嘅柯德利夏萍一樣，呢位法律界「窈窕淑女」一啲都唔掩飾自已鍾意扮靚嘅本色，每朝出門前都會對住衣櫃mix&match，顏色方面唔鍾意太柔和。
怪不得上次7.9遮打集會，主題色係橙色，好多人都搵唔到橙色衫，Audrey竟然一身橙褲橙鞋出現，原來呢類個性鮮明又夠激嘅顏色最合佢口味。
可惜上天同佢開咗個最大嘅玩笑：佢三個囡囡都係男仔頭，完全冇遺傳媽咪嘅愛美天性。
傳真︰2623-9278
電郵︰