正值暑假天，莘莘學子大都出街玩餐飽，但天氣勁熱好易中暑，留在家中靜靜地玩亦不失為好提議。由即日起至8月13日全線吉之島舉辦了多類貨品的展銷會，包括電腦及旅行用品，講到最啱小朋友就必屬玩具！
記者：招佩珊
攝影：伍慶泉
似足粉盒的GBASP，細細部摺得埋唔阻碇，就算拎出街玩都唔覺重。家陣除可以優惠價$899買到之外，重會送《惡魔城——月圓之夜》亞洲專用版遊戲帶1盒，單買呢盒遊戲帶就要$239。數量有限，送完即止。
優惠價：$899
行街經常見班細路用力搖隻手，其實他們正在玩最Hit的密碼武裝暴龍機，同對方打交就要用力搖部機，𠵱家買部暴龍機就送多隻數碼暴龍公仔。
優惠價：$149
內附吸扒同吸嘴，外形似足實物，雖然得個樣並非真的可以吸塵，但小朋友推住部小吸塵器，就可當做運動強身健體。
原價：$259
特價：$99.9
全套哈姆太郎印章合共有55個，除了有哈姆太郎外，亦有其他圖案同文字印章，而且重可以用間屋仔裝放好所有印章，唔會亂咁擺整唔見。
原價：$259
特價：$99.9
電子琴約有尺半高，雖則琴仔細細，但亦有37個琴鍵，旋律較簡單的歌仔都可以彈幾首。而電子琴亦有如小提琴、鼓等多種聲效，加埋個咪就可以自彈自唱。
原價：$299
特價：$169
車前有個購物籃擺放雜物，而單車加有輔助輪適合初學踩單車的小朋友，有粉紅色的米妮同藍色米奇兩款選擇。
原價：$329
特價：$199
卡通人物永遠最得小朋友歡心，今次選擇多籮籮，有史諾比、小熊維尼、HelloKitty、米奇老鼠等，有部份更是護脊書包，保護到小朋友脊骨健康。
原價：$179-$199
特價：$99.9