左慧琪中學時期開始踏入寄宿生活，沒有其他娛樂，左慧琪惟有發揮年輕人的調皮本色，四出整蠱人，但上得山多終遇虎，左慧琪惡有惡報，有次反被人整蠱，枕頭不翼而飛。
去年參選香港小姐獲得亞軍的左慧琪，自小在英國長大，雖然她外表及言談斯文有禮，但原來左慧琪在寄宿學校時相當調皮，最愛與女同學深夜聯群結黨整蠱人。
左慧琪在十四歲那年，開始入住寄宿學校，離開家人生活和學習。當時在校內過着群體生活，與同學相依為命，但她卻偏偏最愛整蠱同學，左慧琪回憶當年說：「啲同學都好鍾意周圍整蠱人，有次我哋收埋咗位同學嘅公仔，重要佢搵幾個地方先搵到。當時佢不知幾激氣，但我哋就覺得好好玩，後來呢位同學都冇嬲，到𠵱家我哋重係好朋友。」
但惡有惡報，左慧琪接連成為同學的目標，房間內的枕頭被人收起，她說：「我當時都知佢哋專登夾埋玩我，梗係冇咁好氣去搵，我連搵都冇搵過，後來可能佢哋覺得唔好玩，所以第二日個枕頭就自自然然出現番。嗰時宿舍十點就要熄燈，但我哋通常都會靜靜雞開番，然後約埋一班人玩啤牌。」
除了校園生活令左慧琪難忘外，幼弟George出世時，左慧琪仍在課室內上堂，突然老師叫她到班房門外，當時左慧琪心感不妙，她說：「我以為做錯嘢俾老師罰，原來爸爸打電話嚟學校想話畀我知細佬出咗世，當時真係又驚又喜。」
撰文：卓寶花
