有線娛樂新聞台正式開台前，香港各大唱片公司均表現得十分支持，並讓旗下歌手替有線開台做宣傳，但無綫封殺令一出，唱片公司紛紛縮沙，拒讓旗下歌手接受有線訪問，只有滾石唱片任歌手自行決定受訪與否。
滾石香港區總經理鄺敏慧昨日在電話中說：「我哋覺得咁樣自由度大啲，可以同其他電視台合作，但我哋同無綫一路都冇問題，佢哋有節目搵我哋歌手上，我哋都上，連有線或者其他國語電視台都有上，但無綫都冇話封殺我哋，因為我哋冇合約牽制。其實我建議多啲電視台畀多啲人上先好，即使以前張國榮、林憶蓮同Beyond喺度時都冇簽無綫，嚟緊我哋簽新人都未必會簽死畀一間電視台。」
對於不少唱片公司縮沙不讓歌手以國語接受有線訪問，鄺敏慧說：「佢哋之前簽約都知有呢樣規限㗎啦！佢哋自願簽㗎嘛，唔願意可以唔簽㗎，願打就願捱，唔可以𠵱家人哋收緊政策就詐人哋型。」
採訪：蔡如玉