賭神不賭，但會用10點半、21點教女兒計數。陳承楷共有三位千金，自幼便被教導以啤牌點數練習心算。「先教10點半、後教21點…有咩嘢可以教到個細路日日練加數呢？就係佢哋自己攞住副啤牌玩。」
女兒們自幼早打了預防針，反而長大後任何有博彩成份的活動也不會參與，「股票都話無興趣」，只有次女數口好，當了會計師。
陳承楷的家可遠眺跑馬地馬場，「日賭夜賭」還不夠皮，他一有假期就往外國的馬場與賭場跑，見識別人的賭博花款。原來在美國加州可賭「22點」，「因為佢個牌一賭21點就叫casino（賭場），賭22點就叫cardroom（啤牌房），當遊戲」；他又會花一百美元拉一下老虎機，為的是見識拉斯維加斯賭場內豪華廳的排場，「我老婆都係咁講，話佢係我二奶，馬會先係我嘅家。」
本報記者