黎明與鄭伊健前晚乘車出席《又又雄》首映時，在雙黃線落車，電影公司竟表示任由交通警抄牌，藐視交通條例。
黎明與鄭伊健前晚各乘坐保時捷到金鐘UA戲院出席《又又雄》首映，吸引近千人圍觀，電影公司請來幾位穿着黑西裝的保鑣為二人開路，在場更有近四十名保安，但保鑣維持秩序時不慎推倒fans，場面混亂。
黎明與伊健到場時，同時於戲院外的雙黃線落車，違反交通條例，事後寰宇老闆林小明的太太接受訪問時，竟公然漠視政府交通規例，她說：「我哋預咗抄牌，我落咗order話任抄嘅。」伊健則說：「都唔係第一次啦，都係迫不得已先咁做啫。」
早前自爆曾與黎明拍拖的陳淑蘭及伊健前女友黎芷珊前晚都有到場，女主角林嘉欣、謝霆鋒、馮德倫、李燦森及楊受成等也有出席。陳淑蘭與好友曾國銘同來，她表示為近日推出新書爭取曝光機會，提到她與黎明的緋聞，蘭子說：「以前見到佢尷尬啲，𠵱家唔尷尬，我冇同佢拍過拖，我只係佢嘅fans，我叫Shela，唔係舒淇呀。」
黎明得悉蘭子提及舒淇時木然的說：「佢咁講呀？咁佢又真係叫Shela。」至於對方出新書，黎明說：「支持佢，買十本送畀朋友睇囉。」伊健前女友黎芷珊以無綫《娛樂大搜查》主持身份到場採訪，她與伊健大方打招呼及閒談。
採訪：何永寧、魯萍
攝影：林德雄、何國豪
