不分晝夜海上尋歡
超儀玩wakeboard愈難愈上癮

將於年底出閣的賭王千金何超儀，可說是個最「潮」的準新娘，近年她沉迷玩wakeboard，最瘋狂階段更是不分晝夜地玩，玩倦了便在船上倒頭大睡，第二天一起來即跳入水中。在新一期潮流雜誌中，她大展wakeboard風姿，散發健康式性感。

賭王何鴻燊千金何超儀（Josie）熱愛電影與音樂，人所皆知，她對運動的熱衷，亦不遑多讓，就如近年風魔年輕藝人的wakeboard（尾波花式滑水），Josie便是當中的狂熱分子。

「攰就喺船上瞓」
Josie為今期《號外》雜誌影了一輯玩wakeboard的照片，她在訪問中表示玩wakeboard玩上了癮，最瘋狂的日子更是不分晝夜玩，她說：「有一排工作冇咁忙，真係日日都出海玩，成班人喺隻船上，玩得攰就索性喺船上瞓，瞓醒又即刻跳落水玩過。」
回憶少女時代，Josie已開始玩水上運動，當時玩的是waterski（滑水），後來發展到與wakeboard結下不解緣。自此Josie做每一件事，包括工作與玩樂，她都要達到最佳效果，好像她玩wakeboard花式時，亦要做到最滿意的動作。

壓力轉化為動力
Josie說：「玩wakeboard達到一個又一個難度，係最吸引我玩嘅地方，當你做到一個動作嘅時候，下一步就係向另一個難度動作挑戰，真係會上癮㗎。」
Josie續說：「而且玩wakeboard重可以減壓，我班玩wakeboard嘅朋友一啲都唔似城市人，好似嚟自另外一個世界咁，個人會放鬆晒，冇咁緊張。壓力又會變晒做動力，其實玩wakeboard着嘅衫一樣型，一樣靚，我覺得比名牌重吸引㖭。」