皇馬大軍重有幾日先嚟到，但一眾球迷今日有機會率先喺鬧市見到萬人迷碧咸。當然唔係佢真人，只係崇光百貨重金禮聘咗喺山頂杜莎夫人蠟像館嘅碧咸蠟像落山，擺喺地庫二樓嘅超級市場，畀一眾球迷同佢影相，時間為今日下晝三點至六點，錯過咗就冇。
為迎接皇馬來港比賽，崇光今起推出大抽獎，得獎者每人可獲兩張五百蚊波飛，共有十份，另外亦有一百份皇馬紀念品作獎品。點先可以參加？每次購物滿二千蚊，就可以憑收據去十樓玩電腦遊戲「勁射入門」，贏咗就有機會得免費波飛，唔使去大球場外通宵排隊咁慘。
除咗碧咸蠟像外，超市內亦會推出一款特製嘅「足球包」。聽講崇光原本想請李小龍蠟像落山，但碧咸嘅風頭實在太勁，惟有暫時讓路畀碧咸。
傳真︰2623-9278
電郵︰