噚日書展夠晒熱鬧，除咗多讀者，好多作家都趁機會同自己嘅讀者作近距離接觸。其中一位就係女食神黃囗如，咪以為千金小姐個個都唔使做，佢就肯定係例外，為咗自己本心血《囗如談食》，非常落力為讀者簽名。
另外一個同樣受歡迎嘅係政治漫畫家馬龍，佢喺《蘋果》畫政治漫畫畫到街知巷聞，噚日去到書展，好多讀者都認出佢，捉住攞簽名。馬龍亦趁機問讀者鍾意睇乜嘢，點知讀者多數好易話為，話好笑就得。馬龍嘅捧場客老中青都有，一見同特首有關嘅笑話，二話不說就肯解囊，重有個七歲嘅小朋友猛咁話好好笑，要父母買畀佢。
傳真︰2623-9278
電郵︰