讀者Angela及同事問何謂PeterPrinciple（中譯彼得原理），可以簡單答覆一下。PeterPrinciple係一位管理學家Dr.LaurenceJ.Peter喺一九六九年提出嚟嘅，呢條原理講：Inahierarchyeveryemployeetendstorisetohislevelofincompetence（一個打工仔會升級升到佢冇能力做嘅水平。）舉例說明之：彼得讀完中七，入公司做文員助理，因為佢為人醒目，口齒伶俐，做事勤力負責，好快就畀老細睇起，升彼得為推銷員；一年後，好掂噃，升為營銷主任；OK，又得，升為營業經理；如是者，過咗十年，彼得啲業績好好，時時得米，年年搶到花紅，於是老細升佢做營業部總監，管住二三十個推銷員及十幾種產品（舉例啫），點知升咗級之後，彼得日日七—十一，做到面青都冇法子達到老細預期目標，做唔到quote。老細查原因，周圍問，先知道彼得做慣sales，見到下屬唔掂，做得慢，就自己call客，導致上下不和，佢又鍾意下屬請佢飲茶灌水，於是啲擦鞋仔就包圍佢，另外佢做事冇全盤策略，只係見招拆招，睇唔到市場大趨勢。老細明白到、彼得已經升到佢冇能力（incompetence）嘅水平，再落去盞搞，於是將彼得調職，彼得覺得好冇面，辭職不幹。
PeterJay話每個人都有自己不能勝任嘅水平，叻人，不斷自我增值、終身學習嘅人就可以不斷地推高呢個水平，大部份人好快就行人止步，升級反而累咗佢。睇吓香港官場或者你間公司，就知道彼得原理，非常正確。