基本上，Shaun（譚俊彥）似乎比較傾向玩「濕身」運動。拍緊《少年阿虎》的他愛上打到周身汗臭的拳擊，但早在一年前，他已成為WakeBoard的忠實擁躉，沉迷原因好簡單：「可以練大隻，最緊要可以減肥！」去年玩WakeBoard已經明顯瘦身，今年拍戲還創下3日減8磅佳績，嘩！那豈不是比當甚麼減肥代言人還厲害？
記者：陳慧敏 攝影：梁細權
鳴謝：Skywake（25180803）
逢星期一四出版
以「狄龍兒子」的名號闖娛樂圈的譚俊彥今天剛好滿23歲，01年拍攝了第一部電影《慌心假期》，其間亦計劃出唱片及往台灣發展，但至今仍屬耕耘期，而即將上映的《少年阿虎》為第四部電影作品。
「玩一次就上癮喇！」舊年暑假，Shaun跟朋友玩WaveBoard一玩傾心，從此就好似中WaveBoard毒一樣，一星期要玩三次，每次兩小時，連Halloween都喺水中度過！「嗰陣真係好似吸毒咁，日日都想嚟，冬天得十幾度又照嚟。」記得有一次，我玩到對手攰晒，痛到唔郁得，但都重係要繼續玩。有時癮起，會喺屋企拉住條繩練360度轉身！」如斯沉迷，梗有啲目的嘅！「減肥囉！大隻啲囉！起碼啲豬腩肉冇晒！我以前太肥喇！」
工作關係，三個月無玩WaveBoard的Shaun技巧略見生疏，剛開始時逢跳即扑。為了影靚相，身為好友兼教練的Dewey終於使出絕招！「佢哋都係想影你跳到最高嗰陣啫！你盡量跳高啲，拗晒腰咁，做個高難度動作HeelFlip。由得佢撻落水啦！」「吓！好痛㗎！」Shaun猶疑。「咁你咪做啲簡單動作算數囉！」Dewey挑釁。「唓！驚你呀？」說罷拿拿臨重新起水，左「發」右「發」搏命撻！撻得幾次，Shaun終於回復惜日水準，型仔再現！不過，輕輕幾句就被人挑釁，Shaun，你的EQ真的有待改進喎！
Shaun玩WakeBoard時，一味要夠型仔，咁打扮亦當然唔可以失禮，所以「造型」問題就相當重要。就俾佢發表一下WakeBoard至掂造型。
「一定不可以着三角泳褲！一撻落水就即刻變T-Back，好核突！」所以Shaun最少有4條及膝板褲，因為跌落水後，就會縮成短褲一條！至於圖案方面，較大、火燄一類的圖案，感覺較激。
一遇見WakeBoard店老闆Dewey，Shaun講的第一件事就是：「我塊板訂咗未？」原來Shaun特別鍾情於Hyperlite出品的WakeBoard，現在他所用的裝備都是同一個牌子的。「因為他們的板用飛機木製造，夠輕、夠硬。」
Hyperlite138DNAtop就夠Powerful，飛得高啲。$5,600