跟Shaun一家合照的這隻狼狗，是Shaun出生時狄龍買來陪他成長的。後來因為年紀太老，身體機能衰退，Shaun只好忍痛把牠人道毀滅。「最慘係佢臨死前曾經離家出走兩日，但最後都係唔捨得我哋，走番返嚟。」
相裏面的Shaun在電單車前擺晒型仔Pose，不過就無緣風馳電掣一番。「這是爸爸最愛的電單車，不過當我開始懂事，爸爸就把它賣掉，因為不想我揸電單車。」結果乖仔Shaun始終都沒有買電單車。
拍《少年阿虎》經常都要撻餐死，除了打到一身傷之外，幾位壯丁都搞到過度疲勞，輪流不支倒地。「連續4、5日瞓少過3、4粒鐘，到第3、4日時我就第一個頂唔順暈咗！第二日就到周志傑暈，第三日連Vanness都唔舒服，正式一日冧一個。」但經過此一役，Shaun就愛上拳擊運動，記者本來想叫Shaun扮個鬼馬打拳樣，誰知身後就傳來斯文大師兄喝止，「我哋打拳好認真㗎！」噢！收到！