香港回歸六年，已經搞到五十萬人上街，好多當年有份參與香港前途談判嘅中方官員都擰晒頭，話老董自己攞嚟衰。佢哋重話，北京新領導嘅開放程度同埋步伐之快，可能非老董同佢身邊嘅擦鞋仔可以想像。
八方聽聞身在美國加州嘅前新華社香港分社社長許家屯對此亦非常痛心，但由於許社長年事已高，已經謝絕一切採訪。許老自從上次入院之後，家人都唔再畀佢自己出門，所以好少露面。
其實，老許痛心係應該嘅，當年董建華係佢有份拉攏同栽培成為特首人選，而老董嘅太上皇中聯辦，前身就係新華社。
九七回歸前，已經有好強嘅聲音叫中共在港嘅地下組織大新華社應「功成身退」，關門大吉，以免影響特區高度自治，但係最後不了了之，重話保留中聯辦有其作用，結果咪搞個大頭佛出嚟。
（圖）許家屯去美多年，但仍對香港人念念不忘。
傳真︰2623-9278
電郵︰